ტურინელმა ბიჭებმა დონალდ ტრამპის  ნიღბები მოირგეს და  არაერთი ბანკომატი გაძარცვეს. ბანკომატებს ჯერ აფეთქებდნენ, შემდეგ კი ტეხავდნენ. მხოლოდ ცხელი ივლისის ბოლოს შეძლო იტალიურმა პოლიციამ  „ტრამპზე შეყვარებულების“  დაკავება.

34 წლის როდრიგოს აშშ-დან ჰონკონგში  ჩიფსების ცარიელი ყუთებით შხამიანი კობრები გადაჰყავდა. ის დააკავეს და ალბათ 20 წლით ჩასვამენ ციხეში.

ზუგდიდში სწრაფი სესხის კომპანია vivus.ge-ის ოფისი დააყაჩაღეს. დამყაჩაღებელი ერთი პირი ყოფილა, შენობაში ცივი იარაღის მუქარით შეჭრილა და 3200 ლარი წაუღია.

ინტუიცია რომ  ინტელექტის უმაღლესი ფორმაა, ეს მე - დიდი ხანია ვიცი, ფორბსის ჟურნალისტი ბრიუს კასანოფი კი ამას 2017 წლის ივლისში მიხვდა...

 25 ივლისს ახალგაზრდა კაცმა აბაზანა გამოიტანა რუსთაველზე და ბანაობა დაიწყო. ერთმა რუსულმა ტელეკომპანიამ კი ეს სათავისოდ გამოიყენა:“ საწყალ ქართველებს არც წყალი აქვთ და არც შუქიო, პროტესტს კი ასე გამოხატავენო!“

P.S. თუ ასე გააგრძელებთ ბატონებო, მოვა რუსი „საშველად“, შორს რომ არაა - უჩემოდაც კარგად მოგეხსენებათ!

ჯერ ბრედ პიტმა ილაპარაკა ჟურნალიტებთან გულახდილად ანჯელინა ჯოლისთან დაშორების თაობაზე, ახლა ანჯელინამ მოგვახსენა თავისი ვერსია. აშკარად გულნატკენია შარშანდელი ამბებით და თავი დიასახლისობით და შვილებზე მომეტებული ზრუნვით გააქვს. მიაჩნია, რომ ჰყავს 6 საუკეთესო შვილი და მათი ცხოვრებით აპირებს ცხოვრებას.  ამჟამად კარგადაა და ამას დიასახლისობას უმადლის. P.S. ქართვლო დიასახლისებო, გული არ გაიტეხოთ, ხედავთ, ჰოლივუდის ვარსკვლავობას რომ სახლის საქმემ აჯობა?!