1. 22 ნოემბერს, 12 საათზე, „ახალი თბილისი“-ს სპორტკომპლექსში (ჯორჯ ბალანჩინის ქუჩა, დიღომი, ქ. თბილისი, აშშ-ს საელჩოს მოპირდაპირე მხარეს), „ოლიმპიური კლუბი“-ს ორგანიზებითა და ქ. თბილისის მერიის მხარდაჭერით, იგეგმება მასობრივი ღონისძიება „ველოდღე“.  ჩატარდება სპეციალური კონკურსი ჟურნალისტებისთვის. ღონისძიებაში მონაწილეობა შეუძლია ყველას!

2. საქართველოს ქალ მოჭადრაკეთა ნაკრებმა ევროპის გუნდური ჩემპიონატის მე-6 ტურში მე-5 გამარჯვება იზეიმა და მე-2 ადგილზე დამკვიდრდა.

3. ქართველი ჩოგბურთელი მარიამ ბოლქვაძე ბრიტანულ შრიუსბერიში მიმდინარე 25-ათასიან ტურნირს მეოთხედფინალში გამოეთიშა.

4. 20-22 ნოემბერს, თბილისი 18 წლამდე ფრენბურთელთა აღმოსავლეთ ევროპის ჩემპიონატს უმასპინძლებს. შეჯიბრება ჩატარდება ახალი თბილისის ტერიტორიაზე მდებარე ფრენბურთის არენაზე და 10:00 საათიდან დაიწყება. 

5. 2016 წლის ივნისში  თბილისი ძალოსნობაში მსოფლიოს ახალგაზრდულ ჩემპიონატს უმასპინძლებს! ეს გადაწყვეტილება საერთაშორისო ფედერაციის აღმასრულებელმა კომიტეტმა 18 ნოემბერს, ქალაქ ჰიუსტონში მიიღო.