გერმანიის პრეზიდენტი იოახიმ გაუკი და მისი ორი სასახლე

გერმანიის პრეზიდენტი იოახიმ გაუკი და მისი ორი სასახლე

23.11.2015

მასალა მოამზადა ნანა ჯანაშიამ

ბერლინში მდებარე ბელევიუს სასახლე, რომელიც 1994 წლიდან  გერმანიის პრეზიდენტის  პირველ რეზიდენციას წარმოადგენს,  1786 წელს პრუსიის მეფის ფრიდრიხ II -ის უმცროსი ძმის პრინც ფერდინანდის მიერაა  აშენებული.

 გერმანიის პრეზიდენტის  მეორე რეზიდენცია  კი   1860 წელს აშენებული ჰამერშმიტის ვილა გახლავთ  ქ. ბონში, რომელიც გარეგნულად ძალიან ჰგავს  თეთრ სახლს ვაშინგტონში, ამიტომ  მას მეტსახელად „ბონის თეთრ სახლსაც“  უწოდებენ.  სასახლემ  სახელწოდება მისი ერთ-ერთი ბოლო მეპატრონის, კომერსანტის და ფაბრიკანტის  რუდოლფ ჰამერშმიტის მიხედვით მიიღო.

გერმანიის პრეზიდენტი ანუ ბუნდესპრეზიდენტი (გერმ. Bundespräsident;) 2012 წლიდან  არის იოახიმ გაუკი. ის 1940 წლის 24 იანვარს დაიბადა  და  გახლავთ ყოფილი ლუთერანი  პასტორი.  ანტიკომუნისტია და ადამიანის უფლებების დამცველი მოძრაობის ერთ-ერთი ლიდერი იყო  გდრ-ში.

იოახიმ გაუკი  გერმანიის ფედერაციული რესპუბლიკის  მეთაური და პირველი პირია, თუმცა,  ნაკლები პოლიტიკური გავლენა აქვს ბუნდესკანცლერთან (ანგელა მერკელთან) შედარებით. გერმანიის პრეზიდენტი ქვეყანას მხოლოდ  საერთაშორისო ურთიერთობებში წარმოადგენს.თუმცა,  მისი კომპეტენციის ფარგლებში  საშინაო პოლიტიკის ისეთი საკითხებიც შედის, როგორიცაა ფორმალური მხარდაჭერა საკანონმდებლო აქტების მიღებისას; მთავრობების, მინისტრების, მოსამართლეების და სხვათა დანიშვნა;  პარლამენტის დათხოვნის  და ახალი არჩევნების დანიშვნის პრეროგატივა. ბუნდესპრეზიდენტი აირჩევა 5 წლის ვადით სპეციალურად მოწვეული ფედერალური კრების მიერ.

P.S. ერთი სიტყვით, გერმანიის პრეზიდენტს ქვეყანაში აქვს ნაკლები პოლიტიკური გავლენა, ვიდრე ბუნდესკანცლერ ანგელა მერკელს, მაგრამ აქვს ორი საუკეთესო სასახლე და ეს, ჯერ არავის გაუპროტესტებია!

ჰამერშმიტის ვილა ბონში

გერმანიის პრეზიდენტი იოახიმ გაუკი 

ბელევიუს სასახლე, ბერლინი

 



ყველა საავტორო უფლება დაცულია. საიტიდან ნებისმიერი მასალის ციტირებისას მიუთითეთ palimfsesti.ge-ს ლინკი
Created by weber.ge