წიგნის საერთაშორისო ფესტივალი „თბილისის წიგნის დღეები“ წიგნის ხელოვნების ცენტრისა და ექსპო ჯორჯიას ორგანიზებით წელს მეორედ 26-29 ნოემბერს გაიმართება. ფესტივალი ხორციელდება გერმანიის საგარეო საქმეთა სამინისტროსა და თბილისის გოეთეს ინსტიტუტის დაფინანსებით, ასევე ქართული წიგნის ეროვნული ცენტრის პარტნიორობითა და კულტურის სამინისტროს მხარდაჭერით. ფესტივალის ფარგლებში დაგეგმილია არაერთი ღონისძიება: წიგნის ბაზრობა, გამოფენები, საჯარო ლექციები და საბავშვო ღონისძიებები.
თბილისის წიგნის დღეებზე თქვენ გელოდებათ:
• წლის ყველაზე მასშტაბური წიგნის ბაზრობა, რომელზეც წარმოდგენილი იქნება 40-ზე მეტი ქართული გამომცემლობა, დიდი ფასდაკლებებით და მრავალი სიურპრიზით
• ქართველ ილუსტრატორთა და წიგნის დიზაინერთა 3 გამოფენა
• საერთაოშიროსო შემოქმედებითი გაერთიანებებისა და ცნობილ მხატვარ–ილუსტრატორთა 14 გამოფენა
• უცხოელი ილუსტრატორებისა და მოწვეული სტუმრების საჯარო ლექციები
• მრავალფეროვანი საბავშვო-საგანმანათლებლო პროგრამა
ფესტივალზე დასწრება თავისუფალია!
წიგნის ბაზრობის ბილეთის ფასი 2 ლარი. სკოლის მოსწავლეთათვის ბაზრობაზე შესვლა უფასოა.
