• განზრახ მკვლელობის მცდელობისთვის  დაკავებულ დეკანოზ გიორგი მამალაძეს მიაჩნია, რომ მის მიმართ წარდგენილი ბრალდება მცდარია.
• საქართველოს იუსტიციის უმაღლესი საბჭოს წევრის  ევა გოცირიძის აზრით,  სტრასბურგის გადაწყვეტილება რუსთავი 2-თან დაკავშირებით  (შუალედური გადაწყვეტილების აღსრულება) ერთი მხარისათვის უპირატესობის მინიჭებას ნიშნავს.
• აშშ-ის სახელმწიფო მდივანმა რექს ტილერსონმა რუსეთში ვიზიტისას ამერიკასა და რუსეთს შორის არსებულ ნდობის დეფიციტზე გაამახვილა ყურადღება.
• ამერიკის პრეზიდენტი დონალდ ტრამპი სირიის პრობლემას რუსეთს აბრალებს. მიაჩნია, რომ რუსეთი სირიაში არ უნდა შესვლიყო და ასადისთვის მხარი არ უნდა დაეჭირა.
• ნიჟნი-ნოვგოროდის ეპარქიას კომპანია "ერა"-მ 458 000 რუბლის ღირებულის ტექნიკური სამუშაოები შეუსრულა.  ეპარქიამ კი კომპანიას თანხა არ გადაუხადა. „ერა“-მ უჩივლა ეპარქიას. სასამართლომ ეპარქიას მხოლოდ თანხის ნახევრის გადახდა, დანარჩენი ვალის  კი -  ლოცვების სახით დაბრუნება დააკისრა...

ფოტოზე: რექს ტილერსონი მეუღლესთან ერთად.

Photo by Abby Brack/Getty Images