უნივერსიტეტის 95-ე გამოშვება - კლასი 2017

უნივერსიტეტის 95-ე გამოშვება - კლასი 2017

27.07.2017

25 ივლისს ივანე ჯავახიშვილის სახელობის თბილისის სახელმწიფო უნივერსიტეტში საზეიმო ღონისძიება გაიმართა. უნივერსიტეტის პირველი კორპუსის ულამაზესი ეზო  მანტიებში გამოწყობილმა სტუდენტებმა  და პროფესორ-მასწავლებლებმა უფრო გაალამაზეს.  საქმე იმაში გახლდათ, რომ  ბაკალავრიატის საფეხური თსუ 3000-მდე სტუდენტმა დაამთავრა.  ეს ფაქტი მათთან ერთად აღნიშნეს უნივერსიტეტის რექტორმა გიორგი შარვაშიძემ, აკადემიური საბჭოს წევრებმა, ფაკულტეტების დეკანებმა, აკადემიური წრეების წარმომადგენლებმა და მოწვეულმა სტუმრებმა. უნივერსიტეტის 95-ე გამოშვებას თსუ რექტორმა გიორგი შარვაშიძემ შემდეგი სიტყვებით მიმართა:

 „ დღეს განსაკუთრებული დღეა, როგორც ჩვენი კურსდამთავრებულების, ასევე, ჩვენი ქვეყნის ცხოვრებაში. ჩვენ  ერთი რამ გვაერთიანებს - ყველანი ვართ თბილისის სახელმწიფო უნივერსიტეტის კურსდამთავრებულები. 3000-მდე ახალი სპეციალისტი შეემატა ჩვენს ქვეყანას. ბევრი თქვენგანი დასაქმდება, ბევრს სურს მაგისტრატურაზე სწავლის გაგრძელება. ყველას ვუსურვებ წარმატებებს. ახალი სუნთქვით, ახალი მზერით უნდა შეხედოთ ცხოვრებას. გახსოვდეთ, რომ თქვენ ხართ უნიკალური კურსდამთავრებულები - უნივერსიტეტის 95-ე გამოშვება. მჯერა, რომ „კლასი 2017“ იქნება წარმატებული!“

გთავაზობთ ჩვენი ფოტოკორესპონდენტის მიერ მომზადებულ ფოტორეპორტაჟს უნივერსიტეტში გამართული საზეიმო ღონისძიებიდან:



ყველა საავტორო უფლება დაცულია. საიტიდან ნებისმიერი მასალის ციტირებისას მიუთითეთ palimfsesti.ge-ს ლინკი
Created by weber.ge