მკითხველთა ორეტაპიანი  კონკურსი, რომელიც სრულიად საქართველოს კათოლიკოს-პატრიარქის ილია მეორის ლოცვა-კურთხევით გაიმართა და რომლის ორგანიზატორიც  ყოვლადწმინდა სამების საპატრიარქოს ტაძრის მღვდელმსახური დეკანოზი გიორგი წეროძე იყო,  დღეს, საპატრიარქოს ბიბლიოთეკა "წიგნის სავანეში" დასრულდა.  კონკურსის ფინალურ ეტაპზე 13 მონაწილე გადავიდა.  მათგან 4 საუკეთესო კონკურსის სპონსორებმა და ორგანიზატორებმა ელექტრონული წიგნი ქინდლით  დააჯილდოვეს, დანარჩენებს კი სამახსოვრო საჩუქრები გადასცეს. კონკურსი საქართველოს რკინიგზისა და ელექტრონული წიგნების სახლ "საბას" ხელშეწყობით გაიმართა.