წყნეთი ზღვის დონიდან 800-1000 მეტრზე მდებარეობს, კოჯორი 1300 მეტრზეა, კიკეთი - 1100მ-ზე, მანგლისი 1200 მეტრზე. ეს ოთხი კურორტი თბილისთან ახლოს მდებარეობს და ძალიან უხდება იმ ბავშვებს, რომლებსაც აქვთ ბრონქადენიტი, ლიმფადენიტი, ბრონქული ასთმა, ძვლისა და სახსრების ტუბერკულოზი, ჰიპოქრომული ანემია, რაქიტი, კუჭ-ნაწლავის დაავადებები, ნერვული სისტემის ფუნქციური მოშლილობა. ამ კურორტების სამკურნალო ფაქტორებია მთისა და წიწვოვანი ტყის არაჩვეულებრივი ჰავა. ერთი სიტყვით, თბილისი მთის კლიმატური კურორტებით არის გარშემორტყმული და იქ დაასვენეთ თქვენი პატარები.