წმინდა პარამონი

(ინფორმაცია და ფოტოები მოიძია ნანა ჯანაშიამ)

წმინდა პარამონი – მართლმადიდებელი ეკლესიის წმინდანი, ხსენების დღე არის ძველი სტილით 29 ნოემბერი, ახალი სტილით - 12 დეკემბერი. წმინდა მოწამე პარამონი და მასთან ერთად სამას სამოცდაათი წმინდანი 250 წელს, იმპერატორ დეციუსის (249-251) მეფობისას აღესრულენ ქრისტესთვის. ბითვინიის (მცირე აზია) მთავარმა, აკვილინემ სამას სამოცდაათი მართლმორწმუნე შეაპყრობინა და წამებით აიძულებდა მათ, კერპებისთვის მსხვერპლი შეეწირათ. ქრისტიანთა ტანჯვა რომ იხილა, ადგილობრივმა მკვიდრმა, დიდებულმა პარამონმა შესძახა: „რამდენი უდანაშაულო იღუპება იმისთვის, რომ უსულო კერპებს არ სცემს თაყვანს!“ ამისთვის ისიც შეიპყრეს, ენა გაუხვრიტეს, და სხვა სამას სამოცდაათ მოწამესთან ერთად თავი მოჰკვეთეს.

1547 წელს ათონის მონასტერში შეიქმნა პარამონისა და ფილუმენის წამების ამსახველი  ზემოთ მოცემული ფრესკა. 

XV საუკუნის ბოლოს ათონის ივერთა მონასტერში შეიქმნა პარამონის ეს მინიატურა.