ამერიკისმცოდნეობის 25-ე საერთაშორისო კონფერენცია, წელს, პირველად ჩატარდა ქართული ამერიკანისტიკის ფუძემდებლის, ამერიკისმცოდნეობის ინსტიტუტის დირექტორის, პროფესორ ვასილ კაჭარავას გარეშე.
თსუ ამერიკისმცოდნეობის ს/ს ინსტიტუტის ამჟამინდელმა ხელმძღვანელმა, პროფესორმა ელენე მეძმარიაშვილმა ისაუბრა იმ დანაკლისზე, რომელიც ამერიკისმცოდნეობის ინსტიტუტმა ბოლო წლების განმავლობაში განიცადა. მან, პატივი მიაგო პროფესორ ვასილ კაჭარავას ხსოვნას, ასევე, პროფესორ თემურ კობახიძის ხსოვნასაც.
მადლობა გადაუხადა რექტორს, აკადემიკოს ჯაბა სამუშიას კონფერენციაში მონაწილეობის და საინტერესო მოხსენების გამო!
მადლობა გადაუხადა ჰუმანიტარულ მეცნიერებათა ფაკულტეტის დეკანს, პროფესორ დარეჯან თვალთვაძეს, პროფესორებს - თამარ შიოშვილს, შავი ზღვის საერთაშორისო უნივერსიტეტიდან და ირაკლი ცხვედიანს - აკაკი წერეთლის სახელმწიფო უნივერსიტეტიდან; ასევე, კონფერენციის ყველა მონაწილეს.
ამერიკის შეერთებული შტატები-საქართველოს ურთიერთობის ისტორიისადმი მიძღვნილ საერთაშორისო კონფერენციაში ამერიკის და საქართველოს სხვადასხვა უმაღლესი სასწავლებლის პროფესორები, სტუდენტები და მკვლევრები მონაწილეობენ.
გთავაზობთ ფოტორეპორტაჟს დიდი ისტორიის მქონე კონფერენციიდან, რომელიც 25 წელია რაც თსუ-ში წარმატებულად ტარდება.
