ერთიანი ეროვნული გამოცდები წელს სავარაუდოდ, 25 ივნისიდან დაიწყება. თუ აქამდე არჩევითი საგნების რაოდენობა 8 იყო, წელს აბიტურიენტებს სიახლე ელოდებათ – საგამოცდო ტესტებს ახალი არჩევითი საგანი „სამოქალაქო განათლება“ დაემატება. ეს გადაწყვეტილება იმიტომ მიიღეს, რომ მიაჩნიათ, ახალი არჩევითი საგნის დამატებით ახალგაზრდებს არჩევანის გაკეთების საშუალება ეზრდებათ. სავალდებულო საგნებად კვლავ რჩება: ქართული, უცხო ენა და ზოგადი უნარები. უნივერსიტეტების მიერ გამოცხადებული ადგილების რაოდენობა თებერვლის ბოლომდე გამოქვეყნდება. აბიტურიენტების რეგისტრაციაც სწორედ ამის შემდეგ იქნება შესაძლებელი.
